الشركات دايما بتعانى من مشكلة الاستضافات عموما، وهذا بشكل كبير بيرجع لعدم دراسة متطلبات موقع شركتك قبل ما تحجز الاستضافة وهنا لا نتكلم فقط عن المشاكل لا كمان عن اهدار الاموال فى استضافة كبيرة وبكل بساطة موقع شركتك بيستغل منها 10% او 20% منها.
وده بياخدنا لنقطة ايه افضل استضافة لشركتى؟ وازاى اختار من بين كل العروض الموجودة قدامى فى الشركات المختلفة
او بين الخطط المختلفة الموجودة فى شركة ما.
خلينا نقسم الشركات لنوعين الشركات بيكون عدد زوار موقعها قليل وده لانهم غالبا بيستخدموا الموقع فى عرض خدماتهم او منتجاتهم وبس ودة الغالب،
الشركات دى مش هتحتاج اكتر من خطة استضافة بسيطة غالبا اقل خطة موجودة فى اى شركة ممكن تكفية.
النوع التانى وهيا الشركات الى عندها مدونه فى موقعها او بتعتمد على متجر داخل الموقع لبيع منتجاتها او حتى بتشتغل على حملات اعلانية
الغرض منها جلب زوار للموقع، الشركات دى بتحتاج خطط من متوسطة الى كبيرة ودة يتوقف على عدد الزوار اليوميين ليها.
فية شوية تفاصيل صغيرة اغلب اصحاب الشركات بيغفلوها عند اختيار الاستضافة الخاصة بموقع شركتة زى مثلا:
1.معدل ال Uptime للاستضافة وده بقى مهم جدا لان فيه كتير من الشركات السيرفرات بتاعتهم بتقف لفترة وتشتغل تانى
وده بشكل كبير بيكون راجع لان فيه مشاكل فنية فى السيرفر نفسة
وده من شأنه انه يأثر على موقعك على اكتر من مستوى زى مثلا انك ممكن تفقد عميل لمجرد انه دخل موقع الشركة ولقاة مش بيفتح، وكمان على مستوى ترتيب موقعك فى محركات البحث.
2. .مكان الداتا سنتر الى فيها الاستضافة وفى الغالب بتكون فى امريكا بس تعرف ان سرعة الموقع بتتاثر ببعد المسافة بين الشخص الى بيتصفحة وبين السيرفر الى فية الموقع.
مثال: لو انت فى مصر وفتحت موقع الداتا سنتر بتاعتة فى امريكا هيفتح ابطأ من موقع انت فتحته موجود فى اوروبا مثلا.
وطبعا موضوع السرعه اكبر من الجزئية دى لكن ده عامل من عوامل السرعه للمواقع.
3.عدد حسابات البريد الالكترونى مع الخطة ودى من اكتر المشاكل الى بتواجه اصحاب الشركات،
بعد حجز خطة ما يلاقى ان اعداد البريد الالكترونى مع الاستضافة 20 مثلا وهو عنده 25 موظف
وعايز لكل واحد بريد الكترونى على موقع الشركة وهنا تبدأ المشاكل.
نصيحة أتاكد من اعداد البريد الالكترونى مع الخطة الى هتشتريها لو مكنش ده مذكور فى تفاصيل الخطة داخل موقع مقدم الاستضافة.
بكل بساطة من اهم الحاجات الى ممكن تركز عليها هو ازاى الاقى شركة الدعم الفنى الخاص بها بيحل المشاكل فى وقت قياسى وده لانه فى اوقات كتير بتلاقى نفسك قدام تحديات كبيرة
زى مثلا ان الموقع مش شغال وفيه عميل عايز يطلع على تفاصيل منتجاتنا او البريد الالكترونى الخاص بالموظفين لا يعمل
هنا تبرز اهمية الدعم الفنى السريع.
وهنا نواجه مشكلة كبيرة وهي ازاى اقدر اقيم الدعم الفنى لشركة.
بالنسبة للشركات الاجنبية هتلاقى مواقع كاملة بتعمل تقييمات للشركات دى
زى مثلا hyyat.com ولو الشركة عربية يبقى الحل الوحيد انك تسال حد اتعامل معاها
او تكتب فى جوجل كلمة مراجعة وبعدها اسم الشركة او انك تكتب اسم الشركة بس
وتتصفح صفحة واتنين فى جوجل وتشوف لو حد كاتب عنها حاجه.
لو موقع شركتك صغير ووجودة لمجرد ان يبقى لشركتك موقع يبقى مش هتحتاج ابدا لاستضافة كبيرة ولا ل VPS
وممكن تاخد اصغر خطة فى اى شركة ومع الوقت لو عدد زوارك زاد اكيد الشركة المضيفة
هتقولك ان موقعك محتاج تزيد الخطة بتاعتة.
ولو انت عندك موقع فية بكل يومى وبعدد متوسط لكبير يبقى انت محتاج الخطة الاكبر.
بالنسبة للحاجات المهمه تتخلص فى Uptime و مكان الداتا سنتر واعداد حسابات البريد الالكترونى والدعم الفنى.
جميع الحقوق محفوظة لموقع حياة هوست 2023
